Fahrn ma weida, fahrn ma zua (Weekend Runner)

Musik und Text

Konstantin Wecker
Konstantin Wecker

Abdruckrechte

Fanfare Musikverlag Edition

Hörbeispiel

Live 1990

Auf gehts, nach Garda,
a Wochenend Zeit,
da surf ma ois nieder,
da mach ma uns breit.

Zwoa Opel Manta
und a Golf GTI,
in zwoa Stund samma untn,
des sog da i.

Fahrn ma weida,
fahrn ma weida,
fahrn ma zua,
fahrn ma zua,
fahrn ma weida,
Baby, fahrn ma zua.

Autobahn Salzburg,
die Preißn san schon da,
da brech ma durch
mit zwoahundert km/h.

Geschwindigkeit ist alles,
wir pfeifn aufn Woid,
presch ma schneller vorbei,
nacha stirbt a ned so boid.

Fahrn ma weida,
fahrn ma weida,
fahrn ma zua,
fahrn ma zua,
fahrn ma weida,
Baby, fahrn ma zua.

Da vorn habns schon wieder
an Unfall baut.
Devise Bleifuß,
da Schnitt sonst versaut.

Im Rückspiegel sieg i,
da is oana gstorbn.
Spezi, wennsd ned fahrn konnst,
dann bleibst hold dahoam.

Fahrn ma weida,
fahrn ma weida,
fahrn ma zua,
fahrn ma zua,
fahrn ma weida,
Baby, fahrn ma zua.

Die Itaker stinka mi
von Haus aus o,
wei erstens hoaßt des Brenner
und ned Brennero.

Dann hupft da an der Grenz
a so a Kasperl umanand.
Geh Spezi, red Deitsch -
mir bringen Cash ins Land.

Fahrn ma weida,
fahrn ma weida,
fahrn ma zua,
fahrn ma zua,
fahrn ma weida,
Baby, fahrn ma zua.

Beim Giorgio auf a Weizn
und dann raus aufn See:
des is, was i
unter Freiheit versteh.

Auf d´Nacht gehts in d´Disco,
moi schaugn, ob was lauft -
wenn koane hergeht,
dann werd oane kauft.

Gehn ma weida,
gehn ma weida,
gehn ma zua,
gehn ma zua,
gehn ma weida,
Baby, gehn ma zua.

Zurück nach Minga,
mir macha Dampf,
nei in die Sportsitz
und auf in den Kampf.

Mir san die Weekend Runner
von München-Ost,
immer auf Achse,
und ab geht die Post.

Koana is schneller,
bei uns is was los.
Weekend Runner sind gnadenlos.

Weekend Runner sind skrupellos.
Weekend Runner sind gnadenlos.
Weekend Runner sind ahnungslos.
Weekend Runner sind gnadenlos.
Weekend Runner sind hemmungslos.
Weekend Runner sind gnadenlos.

Nachdruck und jedwede weitere Veröffentlichung nur mit ausdrücklicher schriftlicher Genehmigung der Rechteinhaber!