Susi

Erstveröffentlichung

Ich lebe immer am Strand (1974)

Weitere Veröffentlichungen

Live in Muenchen (1981)

Musik und Text

Konstantin Wecker
Konstantin Wecker

Abdruckrechte

Discoton Musik-Edition GmbH

Hörbeispiel

Studio 1974

Was is heit bloß die Zeit lang,
da kriag i richtig Zeitlang
nach dir.
I lieg scho fast bewußtlos
dahoam und bin so lustlos
nach mir.
I drah mi und varrenk mi,
vergiß im und vaschenk mi
und beiß mi und zerreiß mi,
darenn mi und vabrenn mi.
Was is des bloß, wo kummt des her?
Auf oamoi woaßt, jetzt geht nix mehr.

Susi, oh Susi,
bittscheen, kumm heit Nacht zu mir,
daß i di spür!

Di Sonna hängt so furchtbar dumm
und ohne Saft am Himmel rum
und is so fad.
I lieg am Bauch und rühr mi ned,
und riach mi ned und spür mi ned
und bin ganz stad.
Dann denk i ma, probiers amal,
dann spring i auf, dann tuats an Knall.
Und plötzlich lieg i wieder da,
genauso lasch, wias vorher war.
Was is des bloß, was ko des sei?
Auf oamoi is mit oam vorbei.

Susi, oh Susi,
bittscheen, kumm heit Nacht zu mir,
daß i di spür!

Was is heit bloß die Zeit lang,
da kriag i richtig Zeitlang
nach dir.
I woaß ned, was i macha soll,
i hab die Nasn endlich voll
von mir.
I brauch di, weil i ohne di
bloß halbat bin. Drum nimm halt mi
und druck di her und lang mi o,
daß i mi wieder fanga ko.
Des is halt mal der ganze Mist,
daß du für mi so wichtig bist.

Susi, oh Susi,
bittscheen, kumm heit Nacht zu mir,
daß i di spür!


CD Liederbuch (1988)
Neufassung als "Heit no" auf "Gamsig" (1996)

Nachdruck und jedwede weitere Veröffentlichung nur mit ausdrücklicher schriftlicher Genehmigung der Rechteinhaber!